Hanna Kristín
Skaftadóttir

Ph.D. í gervigreind og sjálfvirknivæðingu ferla í viðskiptum frá Háskóla Íslands og CEO fyrirtækisins Sanitica AI. Sem lektor og fagstjóri viðskiptagreindar við Háskólann á Bifröst og stundakennari við Háskóla Íslands og Háskólann í Reykjavík kenni ég á sviði hagnýtrar gervigreindar, sjálfvirknivæðingar, fjártækni, hagnýtrar upplýsingatækni og gagnadrifinnar ákvörðunartöku.

Með yfir tveggja áratuga reynslu á sviði nýsköpunar, þróunar og fjármála hef ég stofnað fimm fyrirtæki og veitt ráðgjöf yfir 150 viðskiptavinum, á síðastliðnum 10 árum, í gegnum Poppins & Partners á sviði nýsköpunar, þróunar og fjármögnunar ásamt eigin rekstri hjá Data Safari. Starfsferill minn nær yfir störf hjá Íslandsbanka, Deloitte og KPMG, þar á meðal úttekt Seðlabanka Íslands, áður en ég hóf eigin rekstur árið 2014.

Rannsóknir mínar eru á sviði gervigreindar, stafrænna fjármála og tækniaðlögunar skipulagsheilda, með sérstaka áherslu á skýringarhæfa gervigreind (XAI), félagstæknilegt stjórnkerfi og málvinnslugreiningar. Ég er virkur þátttakandi í alþjóðlegu rannsóknarsamstarfi, þar á meðal MSCA Digital Finance (co-lead fyrir þjálfun doktorsnema) og COST FinAI rannsóknarnetinu.

Ég er MIT-vottaður VMS mentor og sit í stjórnum Hefring Marine og sem fulltrúi Íslands í JTC21 (EU AI Act staðlar) og áður í Nordic Smart Government & Business verkefninu. Á alþjóðavettvangi hef ég flutt fjölda erinda um gervigreind, sjálfvirknivæðingu og framtíð viðskipta.